Ինչպես հեշտ և արագ ազատվել զկրտոցից. 168.am

Զկրտոցը հաճախ կարող է սկսել շատ անհարմար պահի։ Lifehacker.ru կայքը ներկայացրել է մի քանի միջոց՝ նման դեպքերում զկրտոցից ազատվելու համար։

Զկրտոցի պատճառները

Սթրեսը, ցուրտ եղանակը, շատ ուտելը, ալկոհոլի չարաշահումը կարող են ստոծանու սեղմման պատճառ դառնալ։ Այսպիսի սպազմի դեպքում թոքերից օդ է դուրս գալիս կոկորդի միջով և փակում ձայնաճեղքն ու մակակոկորդը` որն արտահայտվում է յուրահատուկ ձայնի արձակմամբ։ Դա հենց զկրտոցն է։

Ճնշում գործադրեք լեզվի արմատի վրա

Մատներով սեղմեք լեզվի արմատը, ինչպես անում են սրտխառնոց առաջացնելու ժամանակ։ Կերակրափողի սպազմը կկանգնեցնի ստոծանու փոքրացումը։ Տհաճ է, բայց` արդյունավետ։

Որևէ անսովոր բան կերեք

Լեզվի վրա կիտրոնի դրեք, մի գդալ շաքար կուլ տվեք, և այլն։ Երբ ստամոքսում թթու, աղի, քաղցր, մի խոսքով՝ անսպասելի համով մթերք է հայտնվում, դա նպաստում է ստամոքսահյութի արտադրությանը և օրգանիզմը շեղում զկրտոցից։

Փակեք ականջները

Ականջները փակեք բութ մատներով։ Քթանցքերը փակեք ճկույթներով։ Աչքերը փակեք։ Խորը շունչ քաշեք և պահեք շնչառությունը՝ որքան հնարավոր է երկար։ Սրանից հետո դուք կսկսեք հաճախ և բարդ շնչել։ Դա կօգնի, որ ստոծանին փակվի, զկրտոցն ավարտվի։

Ինչպես գիտականորեն ազատվել զկրտոցից

Փակեք ականջները և ջուր խմեք

Մեծ բաժակ վերցրեք՝ 400 մլ, լցրեք սառը ջուր, դրա մեջ ձողիկ դրեք և դրեք սեղանի վրա։ Ականջներն այնպես փակեք, որ ոչինչ չլսեք, և ձողիկով դանդաղ խմեք ջուրը։ Երբ հասնեք ավարտին, զկրտոցը կավարտվի։

Լեզուն դուրս հանեք

Զկրտոցից ազատվելու համար լեզուն, որքան հնարավոր է, երկար ժամանակով դուրս հանեք։

Հարցեր, պատասխաններ, մեկնաբանություններ